ELKARRIZKETA - KOLDO
Non jaio zinen?
Cruzesen jaio nintzen 1989ko Ekainaren 19an
Zenbat urte dituzu?
34 urte ditut
Non bizi zara?
Momentu
honetan Gizaburuagan bizi naiz, Lekeitiotik 7km ra dagoen herri txiki batean.
Zein da zure lana? Zenbat urte daramatzazu
lanean?
Ni
hezitzailea naiz eta 5 urte daramatzat lanean.
Zure lanetik zer da gehien eta gutxien gustatzen
zaizuna?
Lanetik
gehien gustatzen zaidana da, etxera heltzean ematen didan satisfazio
pertsonala, beti gustatu zaidalako bestei laguntzea eta hezitzaile lana
niretzat plazer ba da.
Ez
dago momentuz ezer nire lanetik gustatzen ez zaidanik.
Zeintzuk ekintza egitea gustatzen zaizkizu zure
denbora librean?
Egia
esan oso gustuko dut natura, eta aire libreko edozein ekintza dut gustuko….
Baina batez ere arrauna, noski.
Ze musika gustatzen zaizu eta zein janari gustukoena?
Denetarik
entzuten dut, baina batez ere… Berri txarrak, Gatibu eta Lagrimas de sangre.
Janari
kontuetan… Gehien gustatzen zaidana da; izokina eta pasta
Bikotea daukazu?
Momentuz
ez daukat bikoterik.
Kirolen bat praktikatzen duzu? Zein?
Bai,
Arrauna
Noiz hasi zinen arraun egiten?
2005ean
hasi nintzen arraun egiten
Aipatu al duzu arrauneko bizipenen bat?
Orain
dela aste bi gutxi gora behera entrenatzen hasi ginen eta bapatean izurdeak
agertu ziren gure ondoan jausiak egiten eta gurekin batera egin zuten entrenamenduaren
zati eder bat.
Niretzat
oso polita izan zen animali eder horiek holako hurbiletik ikustea.
Kaixo irakurleok!!
Gaur Kurkudi eta 1.Eko ikasle batzuk : Ysabella, Martín , Ethan , Ari, Iraia eta Luar elkarrizketa bat egingo dugu. Atzo , maiatzaren 31an, gure institutoko idazkaria , Maite , jubilatu zela jakin dugunez berari elkarrizketa egitea erabaki dugu.
Hasiko gara ba!
1-
Kaixo Maite, zenbat urte daramatzazu Barandiaran Institutoan lan egiten?
31 urte ( uste dut…
2-
Gustora egon zara? Zelan sentitu zara irakasleekin, ikasleekin,…?
Oso gustora, irakasleak batzutan “
petarditoak” izan arren , orokorrean poz pozik. Eta ikasleekin oso ondo, noski.
3-
Zelan sentitu zinen atzo, zure azken egunean lanean?
Atzo egun osoan zoriontsu!! Besarkadak ,
muxuak… eta opariak… Beno, lan
gehiagorik ez.
4-
Ikasturtean zehar, zein da zuretzako lan gehiago duzun hilabetea? Zergatik?
Iraila , irakasleen eta ikasleen
ordutegiak eta bekak egin behar ditugulako.
5-
Hemendik aurrera, deskantsatzeaz
aparte, zerbait egitea pentsatu duzu?
Momentuz… paseiatzea , deskantsatzea
, irakurtzea …geroago beste gauzak ailegatuko dira.
Mila esker Maite zure
lanagatik ,faltan botako zaitugu eta gure partez:
OSO ZORIONTSUA IZAN ZAITEZ!!!
Kaixo irakurleok!!
Gaur 2Dko ikasle batzuk (Oier, Mario eta Unax) Daniel,
Ethan, Iraia eta Naiararekin elkarrizketa egingo dugu.
Denbora pixka bat pentsatzen egon gara nori egitea
erabakitzeko eta… azkenik elkarri egitea erabaki dugu. Hasiko gara ba!
1-
Kaixo, zelan sentitzen zara Barandiaran
Institutoan?
O: Gustora
nago, urte batzuk daramatzat institutoan eta oso pozik nago.
M: Bi
urte daramatzat institutoan eta nire eskolako ikaskideekin gustora nago eta
ezagutu berriekin ere.
U: Ni
institutoan gustora nago bai ikaskideekin bai laguneekin, ondo moldatzen
naizelako.
D: Ni
pozik egon naiz institutoan eta pixka bat pena sentizen dut ze datorren urtean beste
ikastetxera noa, zeren eta lagunak hemen ditudalako.
E: Nik
2 urte daramatzat institutoan orokorrean oso pozik nagoela esan dezaket, lagun
asko egin ditut eta.
I: Ondo
nago institutoan, zeren eta lagunak ditut, eta Daniel bezala pixka bat
kezkatuta nago.
N: Ni
aurten hasi berria naiz eta ondo nago institutoan eta asko gustatzen zait, egin
ditut lagun berriak.
2. Zer
da gehien gustatzen zaizuna institutoan?
O: Lagunekin
egotea patioan eta gaztelania.
M: Urtez
urte lagun berriak egitea eta patioan jolastea.
U: Nire
klasekideekin denbora pasatzea eta gizarte.
D: Lagunekin
egotea eta piszina.
E: Patioan
lagunekin egotea eta bloga, beste ikasleekin egon naitekelako.
I: Plastika,
marrazki politak egiten ditudalako eta sukaldaritza.
N: Bloga
eta sukaldaritza, lagun berriak egiteko aukera ederrak baitira.
3. Eta
gutxiena?Zergatik?
O: Azterketaz gain, ingelera
gorrotatzen dut, kostatzen eta ez zaidalako gustatzen.
M:Azteketak
egiteko garaia, aste baten egin behar ditugulako eta guztiz estresantea da.
U:Azterketak
garaia eta mate, niretzako txapa handia da.
D:Niretzako
oso zaila da aukeratzea, zeren eta ea ea guztia gustatzen bait zait.
E:Niretzat
hain goiz esnatzea, sarritan erdi lotan bait nago.
I:Ni
Danilekin ados nago, guztia gustatzen zait eta.
N:Nik
ere ez dakit zer aukeratu, egiten dugun guztia gustatzen baitzait.
Beno,gustatu zaigu elkarrizketa elkarri
egitea, hobeto elkar ezagutzen dugu eta horrela … gustora lan egiten egon gara.
Kaixo irakurleok!!
Gaur Marisoleri Kurkudi gelako irakasleari galdetegi bat egingo diogu, inklusioaren astea dela eta.
Badakizue zer den inklusioa? Ikasten ari gara eta ea urte hau amaitu baino lehen argi dugun!
-Kaixo, Marisol!
Zer moduz?
-Ondo. Zuek??
-Zer da Inklusioaren
astea? Zertarako egiten da?
-Inklusio astea geure Barandiaranelkarlanean proiektuaren jarduera bat da. Beno… jarduera
multzo bat .. hobe esanda. Aste baten Ikastetxeko guztiok INKLUSIOAREN ALDE
GAUDELA adieraz dezakegu, beraz, pertsona guztion INKLUSIOA, eta aldi berean ,
dibertsitate funtzionala duten pertsonen inklusioa lortzen saiatzeko egiten da.
INKLUSIOAz hitz egiten dugunean kontutan hartu behar dugu hiru
oinarri:
-Lehenengoa, pertsonen errespetua
eta onarpena. Sarritan dibertsitate funtzionala duten pertsonak ez ditugu
ezagutzen eta aurreritziak izaten ditugu. Aste horretan intentsiboki landuko
dugu horien ezagupena eta onarpena.
-Bigarrena, parte hartzea,
hau da, ikastetxean daude eta ikastetxeko jardueretan parte hartzeko aukerak
izan behar dituzte.
-Azkenik, hezkuntzarako eskubideak
bermatzea, hau da, “trabak” edo “ikaskuntza
ostopoak” saihestea.
-Esan ahal diguzu
zer egingo duten ikasleek datorren astean?
-Aurreko asteko tutoretzatan Gorbeia eta Kurkudiko ikasleekin
batera gela guztietako tutoretzetan “ Dibertsitate funtzionala” duten pertsonak
ezagutzeko jarduerak egin ditugu.
-Azken astean : abenduak 19tik 23ra irakasgai guztietan ( euskera,
gazte, plastika,...) jarduera desberdinak egiteko aukera izango duzue.
Ikastetxea ornatuko dugu. Pelikulak eta hitzaldiak ere egongo dira , mailaka
egingo dira (1.mailakoak Genuine atletic Fundaziokoekin, 2.mailakoak síndrome down
fundaziokoekin, eta 3.mailakoak Haszten taldekoekin tailerrak egingo dituzue.
Horrez gain 3. mailakoek ideiak sortu dituzte azken egunerako:
jokuak-guynkana- txokolatada..
Beno aste intentsiboa da INKLUSIOAz aritzeko. Beraz , mila miloi
esker guztioi, ziur naiz zuen partaidetza ezin hobea izango dela eta.
-Zer
sentitzen da dibertzitate funtzionala izateagatik baztertua izatean?
Ni irakasle izanda ikusi dut hainbat urteetan jarrera oso
positiboak, baina baita ere bazterketak eta hori inori ez zaio guztatzen
-Zer motatako
jarduerak egiten dituzue Gorbeiako eta Kurkudiko klaseetan?
Egunero agurra egiten dugu eta gero beste gauzak egunaren arabera,
adibidez astelehenetan informatika, astearteetan H.Fisikoa 3.B ekin,
asteazkeneetan komunitate 1.Fkoekin, ostegunetan blog DBHkoekin
eta piszina, ostiralean sukaldaritza, horrez gain hizkuntza, mate, liburutegia…
pila bat gauza ikasten ditugu.
-Nola aldatu
beharko litzateke gizartea guztion inklusioa lortzeko?
Gizartea aldatzen ari da, zorte ona duzue ezkerrak aldatu dela.
- Noiztik daude
gela egonkorrak barandiaran institutuan?
Nik 14 urte daramatzat eta aurretik ere bazegoen.
-Zure lana
guztatzen zaizu?
Pila bat, poz pozik nago lanean. Nire ustez ikasleak nirekin
ikasten ari dira, eta nik ere beraiengaitik ikasten dut egunero.
-Zer onura dakartza
inklusioak dibertsitate funtzionala duten ikasleengan?
Lehen aipatu duguna: onartu eta errespetatu pertsona moduan eta
parte hartu behar dute gizartean. Onura ez da beraientzako bakarrik guztiontzako
baizik.
Inazio Nieva gurekin egon zen..
Gaur Inazio Nievari elkarrizketa bat
prestatzea egokitu zaigu, hitzaldiak ematen ditu hezkuntza eta kultur
zentroetan, "Inklusioa zugan hasten da" izenburupean.
Garun-paralisiarekin bizitzea. Baina guk Inazio joan den ikasturtetik ezagutzen
dugu, gure gimnasiako monitoreetako bat baitzen. Elkarrizketa irakurri ondoren,
ezagutu egiten dugu, eta, horregatik, elkarrizketa bat egin nahiko genizuke,
gure blogean argitaratzeko.
Kaixo Ignazio, galdera batzuk egingo
dizkizugu eta ziur gaude zure erantzunekin ikasiko dugula, horregatik eskerrak
ematen dizkizugu.
1.- Nerabea zinenean, zer zen gehien
gustatzen zitzaizuna?
Nik harreman sozialak ez nituenez, arratsaldeak telebista
aurrean pasatzen nituen. Gehien gustatzen zitzaidan programa “ La que se
avecina”
2.- Eta zer zen gutxien gustatzen zitzaizuna?
Gutxien gustatzen zitzaidana klasera joan eta nire
ikaskideek beren hari sozialak izaten zituztela ikustea zen, eta nik ez nuen ia
harremanik inorekin.
3.- zerk bultzatu zintuen gizarteratze-maila
ikastera?
Beste errealitate batzuk ezagutzea, nik aniztasun
funtzionalaren eta desgaitasunaren errealitatea ezagutzen dudalako, baina uste
dut kolektibo guztien artean lagundu behar dugula.
4.- Zein dira txikia zineneko oroitzapenik
onenak?
Asko gustatzen zitzaizkidan eta familiarekin egotea.
Haurra zarenean ez zara oso kontziente errealitateaz.
5-Konturatzen diguzu zer den garrantzitsua
abenduaren 3an aniztasun funtzionalaren eguna ospatzea. Azal diezagukezu
zergatik?
Egunero zabaldu behar da, baina zoritxarrez beharrezkoa
da egun bat egotea dibertsitate funtzionala duten pertsonok eskubide berberak
ditugula gogorarazteko.
6.- Gorbeiako eta Kurkudiko neska-mutilak oso
pozik egon ziren joan den ikasturtean, eta zu zer moduz ibili zinen? Zerbait
ikasi zenuen gurekin?
Bai, gauza asko ikasi nituen: asko gustatu zitzaidan bi
gelen funtzionamendua bertatik bertara ikasi ahal izatea, eta zuen arteko
elkarbizitza, zein elkartuta zaudeten eta “piña” zaretela bermatzea.
7. Esaten duzu:”inklusioa zure baitan hasten
da”. Azalduko al diguzu hori?
Gutako bakoitzean hasten dela, ezin dugula pilota
aldameneko teilatuan jarri, pilota horrekin ere jokatzen ez dugunean.
8. Zer uste duzu egin dezaketela dibertsitate
funtzionala duten pertsonak gizarteratzearen alde?
Inklusioa zugan hasten da, nigan hasten da, pertsona
bakoitzarengan hasten da.
9.- Nolakoa da zure egunerokoa?
Jaikitzen naiz, klasera joaten naiz, gero etortzen
naiz... lanen bat egin behar badut, beste edozein pertsona bezala egiten dut.
10.- Zure bizitza lehen baino hobea dela uste
duzu, edo zeu izan zara hobetu dena?
Nork bere burua onartzea funtsezko elementua da.
Nerabezaroan oraindik ez da iritsi. Laguntza psikologikoa garrantzitsua da,
depresioa duen eta laguntza behar duen jende asko dagoelako.
Eskerrik asko eta badakizu non gauden, bisita bat egin
nahi badiguzu.
Eta zuek nahi baduzue nire sare sozilaka aipa ditzakezue. Mila esker zuei!!!
Inazio Nieva (@57energy)
Inazio Nieva (@Inazionieva) / Twitter
Xabi Rodriguez gure institutoko irakaslea…
Zenbat urte dituzu eta nongoa zara?
26 urteko idiazabaldarra naiz.
Zer izan nahi zenuen txikitan?
Meteorologoa edo
kazetaria. Eguraldiarekiko beti izan dut interes handia. Halaber, idaztea eta
ondoren erredaktatutakoa dibulgatzea asko gustatzen zitzaidan eta egun ere
gustatzen zait.
Zein izan da zure ikasketa ibilbidea (eskola, institutua, unibertsitatea...)?
Lehen Hezkuntzako
ikasketak herrian bertan egin nituen eta Bigarren Hezkuntzako ikasketak
Beasaingo institutuan burutu nituen. Ondoren, Gizarte Zientzietan oinarritutako
batxilergoa egin, eta amaitutakoan, Historia ikastea erabaki nuen, eta gradu
hau Gasteizen irakasten denez, bertan lau urte eman nituen. Segidan
Irakaskuntzarako Masterra egin nuen Deustuko Unibertistatean.
Zein musika mota gustatzen zaizu? Instrumenturik jotzen duzu?
Entzuten dudan musika
gehiena lanera bidean kotxean noanekoa izaten da. Gaztea irratia ipintzen
dudanez, pop musika komertziala da gehien ezagutzen dudana, eta, salbuespenak
salbuespen, oro har, gustatzen zait. Instrumentuei dagokienez, gitarra ondo
jotzea asko gustatuko litzaidake baina errealitatea bestelakoa da.
Kirolen artean, gustokoena?
Urtaroaren arabera
kirol ezberdinak praktikatzen ditut eta guztiak gustatzen zaizkit: igeriketa
udan, korrikan nahiz txirrinduan gainontzeko urtaroetan.
Zeintzuk dira zure
afizioak?
Nahiz eta lotsatia izan Interpretazioa
oso gustuko dut.
Zer egitea gustatzen zaizu denbora librean eta lagunekin zaudenean?
Egungo plataformetan
motibatzen nauen telesailik badago hura ikusten geratzen naiz, baina pantaila
aurrean denbora gehiegi ez emateagatik marrazkiak ere egin ohi izan ditut.
Beste pertsona bat izateko aukera izango bazenu, nor izango zinateke?
Galdera zaila… egia
esan, ez naiz inoiz honen inguruan pentsatzen jarri. Telebistan ikusi izan
ditudan aktore askoren ibilbide profesionalak inbidia asko eman didate, baina
hori azkenean fatxada hutsa da. Ez dakit zein den pantailaz haratago
bakoitzaren errealitatea...
Zure bizitza pelikula bat izango balitz zein izango litzateke izenburua?
“Noraezean”. Gaztetan
argi nituen gauza askoren ikuspegia aldatu egin zait. Momentuko kasualitateak,
batzuetan onerako eta beste batzuetan txarrerako, nire ekintzen noranzkoa
aldatu didate.
Nola eta zergatik bururatu zitzaizun aurkeztea Goazen telasailean parte
hartzeko?
Aurrez izena eman nuen
agentzia bat nirekin harremanetan jarri zen eta hasieran pelikula bat egiteko
proposamena egin zidaten… gero Goazen telesailean parte hartu nahi nuen galdetu
eta baiezko eman nien. Aurkeztu aurretik ezer gutxi nekien interpretazioaz,
abesten moldatzen nintzen, baina dantzarako desastre hutsa nintzen, beraz,
erronka gisa planteatu eta animatu egin nintzen.
Nolakoa da grabaketa egun bat?
Erlojupekoan ibili
beharreko eguna. Azkenean sekuentzia bakoitzak zenbait iraungo duen, noiz
hasiko den hurrengoa...dena programaturik dago eta presio handia sentitzen da.
Hala ere, sekuentzien artean nahikoa barre egiten genuen eta ondo pasatzeko
denbora ere izaten genuen.
Nola elkartzen duzu irakasle lana eta antzezle lana?
Goazenen lan egiteko
ez nuen arazorik izan udako hilbateak aprobetxatzen direlako grabatzeko.
Laburmetrai bat egitea proposatu zidatenean, aldiz, aste barruko eguna zenez,
egun bateko baimena eskatu behar izan nuen.
Nolakoa da zure pertsonaia telesailean eta zer duzue amankomunean?
Ezaugarri askorekin
bat egiten dugu. Biok gara lagunen lagunak, ameslari samarrak, gauzak
positiboki ikustea gustatzen zaigunak…
Zelan moldatzen zara zure telesaileko lankideekin?
Orain dela gutxi bi
lankiderekin kalean topo egin eta sorpresa handia hartu nuen, denbora asko zen
ikusten ez ginela. Finean, bakoitzak bere bizitza dauka eta nahi baino gutxiago
egoten gara elkarrekin. Hala ere, gauden gutxitan ilusio handia egiten digu
elkarren berri izateak.
Zeintzuk proiektu dituzu etorkizunerako?
Ez dut proiektu
handirik aurreikusita epe laburrerako. Momentuz sortzen diren proiektu txikitan
gustura nabil. Irakaskuntza da etorkizunera begira ikusten dudan proiekturik
seguruena...
me gusto cuando izro hizo el campionato de espeña.
ErantzunEzabatualazne unanue